مطعم Brasa De Brazil

مطعم Brasa De Brazil

بسم الله الرحمن الرحيم 

اليوم حتكلم عن مطعم براسا دي برازيل في جدة شارع الاندلس ، زيارتي له كانت في العيد وكانت اول زيارة ليا الانطباع العام للمطعم ممتاز لكن كان جدا زحمة فما انصح زيارته في مثل دي الأوقات ..

المطعم اعتبره مو مجرد مطعم عادي هو كتجربة اولى جدا جميل وممتع بأنك تأكل اغلب انواع اللحوم الغير معتادة في وقت واحد ! 

طريقة المطعم بوفية مفتوح من المقبلات واللي لفت نظري السوشي الموجود مع المقبلات وكان طعمه لابأس بيه ..  

وبعد كدا حيمر عليكم كل تقريبا من ٥ الي ٧ دقايق الجرسون ومع نوع واحد من اللحوم ..

الشيء الظريف انه يحطو لكل شخص مثل الخشبة من جهتين جهة احمر وجهة اخضر طول ما الشخص حاط الخشبة على الجهة الخضراء يعني محى يوقفو لتقديم الأكل والعكس اذا احمر يعني اكتفيت .. 

لحم الغزال كان جدا لذيذ ولو حرجع للمطعم ثاني حرجعه عشانه ، الدجاج و السمان و الريش و الربيان و السمك ونعام وغيرها .. كلها لذيذه الا النعام تقيمي له ٥/١٠

والشيء اللذيذ كمان التحلية حقتهم كانت اناناس بالقرفة مشوي حقيقي كان جدا لذيذ ..

نجي للأسعار الشخص كان ب ١٧٥ ريال شامل المقبلات وبوفيه مفتوح و مشروبات وحلى ..

المطعم ككل جميل وبذات الناس اللي تحب اللحوم حتنبسط مره ،، 💖

انشاء الله اكون افدتكم ادا رحتو المطعم شاركوني بأرآكم تحت في التعليقات ،، وبالعافية

الموقع 

 مطعم Brasa De Brazil